مرحبا
عارف انه الاغلبية مستغرب من العنوان
بس طلبة التطبيقي مو مستغربين لانهم عارفين عن شنو اتكلم من جبت طاري الاهانة !!
المهم يعني ما ادري ليش جذي يتأخرون بصرف اعانة الطالب اللي اهيا كلها مية دينار وذالين عيشتنا فيها
ترى فيه بعض الطلبه عليهم اقساط والتزامات ما يتحملون اي تأخير في الاعانة
من كثر ما اهانونا بهالاعانه قمنا ما نسميها اعانه .... قاموا يسمونها اهانه !!
فما ادري هالشي يرضيكم يا ادارتنا الحبيبة ( التطبيقي )
لدرجه انه الشباب يسئلون بعض .... ها يابو فلان بشر ما انزلت لك الاهانه ؟؟ !! هههههههههههه والله بصراحه شي يضحك
ما اقول الا الله يعينا عليكم
وان شاء الله احد من المسئولين يشوف اللي اكتبه ويشوف لنا حل
واتشرف بزيارتكم الدائمه لمدونة شخابيط
مع تحيات
شخبـووط
ليست هناك تعليقات:
إرسال تعليق